"Xorazm" futbol klubi

XORAZM VILOYATI HOKIMIYATI

КОМЕДИЯ, ёки ЎФФ матбуот котиби Рустам Қўчқоровнинг расмий нуқтаи назарига норасмий жавоб

Dushanba, 20 Sentyabr 2010 14:25

alt Кеча, яъни 19 сентябрь куни, www.uff.uz сайтида ЎФФ матбуот котиби Рустам Қўчқоров (ушбу сайтдаги ўз блогида) менинг “Пахтакор” футбол клуби ЎФФни ва ЎзПФЛни писанд қилмайдими?” сарлавҳали мақоламга ва унда баён этилган воқеага ўзининг “расмий нуқтаи назар”ини билдирибди. Ўз фикрлари битилган мақолага ёш котиб “Трагедия”, - деб сарлавҳа қўйибди. Афтидан, мен ва Тўхтамирзаев ўртасида бўлиб ўтган низо ва унинг интернет саҳифаларига олиб чиқилиши Рустам Қўчқоровга фожиадек туюлган бўлса керак. Ҳақиқатдан ҳам, бундай олиб қаралса, 18 сентябрдаги “Пахтакор”-“Хоразм” учрашувидан кейин “Пахтакор” матбуот котиби мени ўз жамоам “Хоразм” иштирокидаги учрашувнинг матбуот анжуманига қўймасдан, ЎФФ ва ЎзПФЛ қоидаларини ва аккредитацияларини бир пулга олмаслиги - ҳақиқий ТРАГЕДИЯ. Аммо бу масала юзасидан ЎФФ матбуот хизмати раҳбари Рустам Қўчқоровнинг билдирган фикрлари – қип-қизил КОМЕДИЯ!

Davomini o'qing...

“Пахтакор” футбол клуби ЎФФни ва ЎзПФЛни писанд қилмайдими?

Yakshynba, 19 Sentyabr 2010 14:08

alt Шу йил 18 сентябрь куни Тошкентда бўлиб ўтган “Пахтакор”-“Хоразм” учрашувидан сўнг “Пахтакор” марказий стадионининг матбуот анжуманлари хонаси олдида содир бўлган бир воқеадан кейин менда ушбу мақоланинг сарлавҳасига чиқарилган савол туғилди. Гап шундаки, мазкур учрашувдан кейин мен икки жамоа бош мураббийлари иштирокида ўтказиладиган матбуот анжуманида қатнашиш мақсадида “Пахтакор” марказий стадионининг матбуот анжуманлари хонасига йўл олдим. Аммо менга ушбу тадбирда иштирок қилиш насиб этмади, чунки “Пахтакор” футбол клуби матбуот хизматининг раҳбари Мирзаҳаким Тўхтамирзаев мени матбуот анжуманлари хонасига киритмади.

Davomini o'qing...

"УНИВЕРСАЛ" МУРАББИЙ, ёки Баҳром Ҳакимовнинг талабига биноан "Хоразм"да чиқарилган “антиқа” буйруқ ҳақида

Seshanba, 24 Avgust 2010 16:18

alt Шу йилнинг 10 август куни мен Урганчда “Хоразм” бош мураббийи Баҳром Ҳакимовнинг талабига биноан чиқарилган “антиқа” бир буйруқ билан танишдим ва уни бажаришга маҳкум бўлдим. Ушбу хужжат билан танишгач, “Хоразм” бош мураббийи ва унинг талабига биноан мазкур хужжатни имзолаган ҳамда муҳрлаган раҳбарлари матбуот котибарига ва умуман матбуотга беписандлик билан қарашларига, ФИФА, ОФК, Ўзбекистон футбол федерацияси ва Профессионал футбол лигаси чиқарган регламент-у қоидаларини бир тийинга олмасликларига амин бўлдим.

Davomini o'qing...

Қанча исбот керак, Баҳром ака?!

Payshanba, 26 Avgust 2010 12:31

alt Кеча, 24 август куни, uff.uz сайтида “Баҳром Ҳакимов: “Бобомурод Абдуллаев асосга эга эмас” сарлавҳали интервью эълон қилинди. Унда “Хоразм” бош мураббийи Баҳром Ҳакимов "Чемпион" газетасининг 24 августдаги 34 (106)-сонида чоп этилган "Универсал мураббий ва матбуот" сарлавҳали мақоламга нисбатан ўз эътирозларини билдириб: “Мақолада келтирилган фактлар ҳеч қандай исботга эга эмас. Ушбу фактларни исботлашни муаллифдан талаб қиламан... Агар муаллиф мақоладаги фактларни исботлаб бера олмаса, газетанинг навбатдаги сонида раддия эълон қилинишини сўрайман”, - дебди.

Davomini o'qing...

Михаил Махвиладзе: "Ўзбек футболида тушунарсиз тушунчалар бор"

Chorshanba, 16 Iyun 2010 18:50

alt “Хоразм” жамоаси мағлубиятга учраган ўйинларда жамоанинг бир ўйинчиси мағлубиятдан эзилиб, ҳар гал кўз ёш тўкади. У хоразмлик ҳам эмас, ўзбекистонлик ҳам эмас, ўзбек ҳам эмас. У - грузиялик, у - грузин. “Хоразм”нинг мағлубиятларини ҳазм қила олмайдиган ушбу футболчи Михаил Махвиладзедир. Хоразмлик футбол мутасаддилари, мутахассислари ва ишқибозлари Махвиладзенинг мана шу хислатлари, яъни фидоийлиги учун уни яхши кўришади. Биринчи давранинг сўнгги ўйинидан, яъни 14 июнь куни бўлиб ўтган “Хоразм”-“Бунёдкор” учрашувидан кейин www.xorazmfk.com веб саҳифаси “Хоразм”нинг грузиялик ҳимоячисидан интервью олди. Қуйида эътиборингизга Михаил Махвиладзенинг интервьюсини ҳавола қиламиз.

Davomini o'qing...

Qolgan maqolalar...