“ХОРАЗМ”-“БУНЁДКОР” – 0:1 (0:0) Ўзбекистон чемпионати, Олий лига, 13-тур. 2010 йил 14 июнь (душанба), “Хоразм” марказий стадиони, Урганч, 12255 томошабин. |
| Davomini o'qing... |
"ХОРАЗМ" - “НЕФТЧИ” – -:- Ўзбекистон чемпионати, Олий лига, 21-тур. 2010 йил 25 сентябрь (шанба), соат 18:00, "Хоразм" марказий стадиони, Урганч. |
| Davomini o'qing... |
Futbol bo’yicha O’zbekiston XIX-Milliy chempionati jadvali. Oliy liga. 12–turdan keyingi vaziyat. |
| Davomini o'qing... |
“Хоразм” футбол клубининг мадҳияси
ОЛҒА, “ХОРАЗМ”!
Бобомурод АБДУЛЛА сўзи,
Жаҳонгир ОТАЖОНОВ мусиқаси
Султон Жалолиддин рамзи эгнингда,
Унинг жасур қалби урар кўксингда.
Мағлуб бўлиш ётдир сенга, “Хоразм”!
Сенга бегонадир бўлмоқлик таслим!
Султон Жалолиддин рамзи эгнингда,
Унинг жасур қалби урар кўксингда.
Мағлуб бўлиш ётдир сенга, “Хоразм”!
Сенга бегонадир бўлмоқлик таслим!
Олға, “Хоразм”! Олға, “Хоразм”!
Олға, “Хоразм”! Олға, олдинга!
Олға, “Хоразм”! Олға, “Хоразм”!
Олға, “Хоразм”! Чекинма ортга!
Шонли ўтмишингни унутма зинҳор,
“Хоразм”, сенда бор туркий ифтихор!
Яшил майдон ичра тиз чўкар рақиб,
Сенга фақат ғалаба бўлади рафиқ!
Тепган тўпларингдан йиртилсин тўрлар,
Қулаб кетсин темир, оқ дарвозалар!
Майдон ёниб кетсин юрак ўтингдан,
Ғалабага бўлган истак чўғингдан!
Олға, “Хоразм”! Олға, “Хоразм”!
Олға, “Хоразм”! Олға, олдинга!
Олға, “Хоразм”! Олға, “Хоразм”!
Олға, “Хоразм”! Чекинма ортга!
Султон Жалолиддин рамзи эгнингда,
Унинг жасур қалби урар кўксингда.
Мағлуб бўлиш ётдир сенга, “Хоразм”!
Сенга бегонадир бўлмоқлик таслим!
Олға, “Хоразм”! Олға, “Хоразм”!
Олға, “Хоразм”! Олға, олдинга!
Олға, “Хоразм”! Олға, “Хоразм”!
Олға, “Хоразм”! Чекинма ортга!
Ушбу мадҳия кенг омма олдида илк маротаба 2009 йил 21 июнь куни Урганчда “Хоразм” стадионида “Хоразм”-“Пахтакор” ўйини бошланишидан олдин таниқли қўшиқчи Жаҳонгир Отажонов томонидан ижро ва тақдим этилди.
Асли хоразмлик бўлган журналист Бобомурод Абдулла сўзи ва санъаткор Жаҳонгир Отажонов мусиқасидан иборат ушбу қўшиқ вохалик футбол ишқибозлари, клуб футболчилари, мураббийлари ва раҳбарларига манзур бўлди. Стадионга ташриф буюрган мухлислар ижро пайтида “Олға, “Хоразм”! Олға, олдинга!” – деб, Жаҳонгир Отажоновга жўр бўлишди.
“Ушбу мусиқа қўшиқнинг сўзларини илк маротаба ўқишим билан қуюлиб кела бошлади.“Султон Жалолиддин рамзи эгнингда, Унинг жасур қалби урар кўксингда. Мағлуб бўлиш ётдир сенга, “Хоразм”! Сенга бегонадир бўлмоқлик таслим!” – деган жумлалар мени илҳомлантириб юборди”, - деди Жаҳонгир Отажонов. Унинг айтишича, у ва журналист Бобомурод Абдулла “Олға, Хоразм!” қўшиғини нафақат “Хоразм” футбол клубига, балки бутун Хоразм аҳлига бағишлашган.
Мазкур қўшиқнинг яратилиш тарихини журналист Бобомурод Абдулла ўз навбатида шундай тушинтирди: “Бундан таҳминан икки ой олдин мен “Хоразм” клуби бош мураббийи Вали Султоновдан “Чемпион” газетаси учун интервью олгандим. Шу интервью пайти мураббийдан: “Нега жамоангизнинг рамзи қилиб айнан оқ тулпор танланган? “Хоразм”нинг беш бурчакли эмблемаси нимани англатади?” – деб сўрагандим. Вали Султонов: “Оқ тулпор – Жалолиддин Мангуберди минган оқ отнинг рамзи, эмблемамиз эса султоннинг орденидан олинган”, - деб жавоб берганди”. Б. Абдулланинг айтишича, Вали Султоновнинг ушбу гаплари журналистни “Олға, “Хоразм”!” – шеърини ёзишга илҳомлантирган.
Шуни ҳам айтиш керак-ки, “Олға, “Хоразм”!” қўшиғи билан “Хоразм” футбол клуби ўзига хос марсия-қўшиққа эга бўлган ўзбек футбол клублари ичида учинчи бўлди. Маълум-ки, бундан аввал Ўзбекистонда фақат Тошкентнинг “Пахтакор” ва “Бунёдкор” клублари ўзларига бағишланган қўшиқларга эга эдилар.