XORAZM

Футбол учрашувларида шахсий манфаатлари йўлида ўз жамоасининг мағлубиятини таъминлаш учун ўйинларни рақиб жамоага “сотадиган” футболчилар ва мураббийлар! Сизларнинг сотқинлингингиз пешонангизга ёзилмаган бўлса ҳам, яшил майдондаги “хунарлар”ингиз хоинлигингиздан далолат берувчи яққол далилдир, чуқур муҳрдир. Футбол учрашувлари пайтидаги “амаллар”ингиз билан сизлар нафақат мутахассислар ва журналистлар, ҳаттоки оддий мухлисларга ҳам нопок ва жирканч кимсалар эканлигингизни кўрсатасизлар.

Рақиб жамоа хужумчиларини дарвозангиз олдига бемалол қўйиб юборишингиз, жарима майдонингиз ичида бирор ҳожатсиз (ҳакам жамоангиз дарвозасига пенальти белгилаши учун) йиқитишингиз, жамоадош-хужумчиларингизга атайлаб етиб бора олмайдиган ва улгурмайдиган паслар беришингиз, рақибнинг бўш қолган дарвозасига тўп тепишдан (аслида гол уриб ўйишдан) қўрқиб, тўпни бурчак байроқчаси томонга тепиб юборишингиз ва бошқа “афёралар”ингиз хоин, ифлос ва тубан мавжудотлар эканлигингиздан далолатдир.

Хоинликни бирон тирик жонзот кечирмайди: асаларилар, қушлар, итлар ва бошқа ҳайвонлар ўз тоифасидан чиққан хоинларни ўлдириб ташлашади. Фақат тўнғиз ва чўчқалар бундай пасткашликнинг фарқига боришмайди. Демак, сизлар яшашингиз мумкин бўлган асл макон, сизларга мос ҳақиқий жамият – гўнг ейдиган мавжудотлар оиласидир.

Сизлар ўз жамоангиздан олаётган маош, мукофот ва “кўтарма” пулларига “тўймасдан”, бу борада рақиб жамоа тарафга ҳам умид билан қарайсизлар: улардан ҳам “маош” олишга ҳаракат қиласизлар. Доно халқимиз: “Бир кун туз еган уйинг учун қирқ кун ибодат қил”, - деган. Ойлаб ва йиллаб туз еган масканларига хоинлик қилаётганларга, сотқинлиги билан жамоадошлари ва мухлисларнинг кўнгилларини ранжитаётганларга  лаънатлар бўлсин! Аллоҳнинг лаънати бўлсин сизларга, хоинлар!

Умрида бир маротаба бўлса ҳам шахсий манфаатлари йўлида ўз жамоасига хоинлик қилган футболчилар ва мураббийлар! Сизларга тилакларим шу-ки, жамоангизга, шерикларингизга, мухлисларга ва умуман футболга хоинлик қилганингиз учун:

-          аёлларингиз сизларга хоинлик қилсин!

-          фарзандларингиз сизларга хоинлик қилсин!

-          дўстларингиз сизларга хоинлик қилсин!

-          қариндошларингиз сизларга хоинлик қилсин!

-          танишларингиз сизларга хоинлик қилсин!

Хуллас калом, нимани эккан бўлсангиз, шуни ўринг: умрингизнинг охиригача хоинликдан азият чекинг, хоинликдан кўзингиз очилмасин!

Хоинлик қилиб топган пулларингиз: 

-          яхши кунингизга буюрмасин!

-          қандай тез келган бўлса, шундай тез йўқолсин!

-          100 бўлиб келган бўлса, миллион бўлиб чиқиб кетсин!

-          сизларни фақат хорлик сари етакласин!

Келажак авлод ва эл сизларни “хоинлар” деб бармоғи билан кўрсатсин, сизлардан жиркансин ва нафратлансин!

Хоинларга нафрат ила,

Бобомурод АБДУЛЛА