“ХОРАЗМ”-“БУНЁДКОР” – 0:1 (0:0) Ўзбекистон чемпионати, Олий лига, 13-тур. 2010 йил 14 июнь (душанба), “Хоразм” марказий стадиони, Урганч, 12255 томошабин. |
| Davomini o'qing... |
"БУНЁДКОР" - “ХОРАЗМ” – -:- Ўзбекистон чемпионати, Олий лига, 14-тур. 2010 йил 1 август (якшанба), соат 19:00, "Жар" стадиони, Тошкент. |
| Davomini o'qing... |
Futbol bo’yicha O’zbekiston XIX-Milliy chempionati jadvali. Oliy liga. 12–turdan keyingi vaziyat. |
| Davomini o'qing... |
“Хоразм” футбол клубининг расмий интернет саҳифаси очилди
2010 йилнинг 5 март куни “Хоразм” футбол клубининг расмий интернет саҳифаси очилди. Унга манзил танлашда Урганч шаҳри футбол клуби ўзбек тилининг лотинча имлосига амал қилган: саҳифа Интернет тармоғида www.xorazmfk.com манзилида жойлаштирилган. “Хоразм” матбуот котиби Бобомурод Абдулланинг айтишича, ушбу сайт клубнинг 2009 йил 5 декабрь куни қабул қилинган “2010 йилдаги Ривожланиш дастури”га киритилган лойиҳа доирасида яратилди ва очилди.
“Уни яратишда клубимизнинг қардош Озарбайжондаги мухлислари яқиндан ёрдам беришди.
Хусусан, “Хоразм” футбол клубининг, Хоразм заминининг ва элининг мухлиси, менинг дўстим журналист Азер Ҳасрет ўзининг молиявий ва амалий ёрдамини аямади”, - деди “Хоразм” матбуот котиби. Унинг айтишича, Азер Ҳасрет “Хоразм” футбол клубининг расмий сайти билан боғлиқ барча техник-дизайн ишларини ва молиявий харажатларни амалга оширган.
Шуни айтиш керак-ки, “Хоразм”нинг сайти ўзбек тилида бўлиб, унда клубга оид барча асосий маълумотлар ва материаллар жойлаштирилган. Сайтдаги барча маълумотлар ва фото-видеоматериаллар клуб матбуот котиби Бобомурод Абдулла томонидан тўпланган, ёзилган, рус ва турк тилларига таржима қилинган ҳамда сайтга жойлаштирилган. “Клубимизда веб-сайт юритиш учун штат йўқлиги сабабли, сайтни юритиш ва янгилаб бориш билан фақат ўзим шуғулланаяпман. Бу иш мен учун қўшимча қийинчиликлар туғдирса ҳам, клуб билан боғлиқ янгиликларни ва бошқа материалларни иложи борича ўз вақтида жойлаштириб боришга ҳаракат қиламан”, - деди “Хоразм” матбуот котиби Бобомурод Абдулла. Унинг айтишича, янги сайт ҳали тўлиқ тайёр эмас, унинг баъзи бўлимларига материаллар энди қўйилади.
“Хоразм”нинг Интернет саҳифаси Ўзбекистондаги ва хориждаги спорт журналистлари, мухлислар ва клуб тарафдорлари (фанатлари) ахборот талабларини қондириш ҳамда клубни республика ичида ва ташқарисида тарғиб қилиш мақсадида очилган. “Хоразм” футбол клуби матбуот котиби Бобомурод Абдулланинг шахсий ташаббуси ва саъй-ҳаракаталари билан очилган www.xorazmfk.com интернет саҳифаси пайдо бўлиши билан ўзининг расмий веб-сайтига эга ўзбек клубларининг сони биттага ортди.